أنا لسه واقف

كل ما أشوف نفسي في المراية أحس قد أيه أتأخرت
لا تعجبني نفسي ولا يعجبني أحساسي
________________________________

وشوش الناس مليا عليه الكون
تعجبني شويه منهم و تقرفني شويه أكتر
لكن لا عارف أهرب منهم ولا عارف أتعمي عنهم
يمكن ألاأيكي في يوم وسطهم
تعرفيني و أعرفك
و نعيش بقى و نبطل نبص ساعتها في وشوش الناس
-------------------------------------------

كباية الشاي الصبح و السيجارة
و بعدهم دش و قراية الجرنان
دي أحلى حاجه بتحصل في حياتي
و دي المصيبة
--------------------------------------------

- تحبي تعرفي كام كتاب في مكتبتي؟
- لأ
- تحبي تعرفي كام كتاب قريته؟
- لأ
- تحبي تعرفي رأيي في.....؟
- لأ
- أمال هنتكلم في أيه؟
- أمتى هنسيب بعض.
---------------------------------------------

الشجر لما بيدبل ما بيقعش
بيفضل واقف
ليه فروع و ليه جدور
بس مالوش لا ورق اخضر و لا ثمار
يا ترى الشجر بيبقى عارف أنه مات
ولا فرحان إنه لسه واقف


حسن فواز
11/4/2008