"قليلك"

كل مره تكلميني
أحس كأني غريب عنك و عن نفسي
لا عمري حسيت كده
ولا عمري رضيت كده
عيونك بترسملي كتير صوره أحسن
وأنا جنبك بافرح بنفسي
و أفتكر كلام درويش عن أمه
و أقول كأنه بيتكلم عني مع حبيبتي
كتير حبيت قبلك
لكن أبدا مارضيت عن نفسي إلا معاكي
لما تتحولي لميزه مش عبء
ديه أهم مهارة عندك حبيبتي
فاكره كلمة وراء كل رجل
أنا عارف أني هبقى عظيم لأنك جنبي
و عارف قد أيه رضي عني ربنا
لأنك راضيه بيه
حبيبتي... ساعات كتير أبصلك و أستغرب من نفسي
هو أنا عملت أيه جميل يستحق وجودك في عمري!
لا عمري هاردلك الجميل ولا عمري هاعرف قد قيمتك أحبك
فسامحيني و أرضي بقليلك
قليلك هو أنا
و كتيري هو أنتي
بحبك.