الخيانة إحنا

متقيده أيدي
متكمم بقي
حتى عقلي واقف عن التفكير
مكسوف أقول
كلام هيملى الورق
مايقنعش عقول
مش كفايه أني قلت
و ماملكش غير أني أقول
مقيدني خوفي
جبان أنا
و ممنوع
حتى الدموع واقفه على عتبه العيون
لا هي نازله ولا هي باقيه بين الجفون
حتى الكلمة باكتبها تطلع زي كل الكلام
لا هي شعر ولا هي كلام منقول
لا كل حرف هيتحول رصاصه
ولا هايحي شاب مقتول
لا قادر اجيلك يا غزه
ولا مكفيني الدعاء في صلاه
كلاب بتعوي "و إحنا مالنا"
قلبي يدعى عقبالنا
عقبالنا لما نبقى أكل للخنازير
عقبالنا لما يموت كل يوم في بلدانا ألف قتيل
يا رب مصر تخرب
يا رب نموت من الجوع
لا نستاهل العيشة إحنا
ولا حتى نعمة إننا بغير عذاب نموت
محبوسه دمعتي يا غزه
و مع كل شهيد فيكي في حته في قلبي بتموت
باتحول صهيوني مسلم
منافق ملعون
باكتب بحبر على ورق أبيض
و أنتي بالدم على جباهنا بتحفري
خاين واطي حقير
و لسه فاكر إني بشوية كلام شاركتك الوجع
لسه باشرب و باكل
و بنام و مع حبيبتي بتسامر
و أهلي و زمالك
ياااه على الوساخه
يا غزه ماتسمعيش كلمتي
ولا تعمليلي قيمة
و لو شفتي في يوم سحنتي
تفي على كل سنتي فيها
يا غزه ولا نسوى
إحنا الزبالة
ملعون أبونا كلنا
ملعونه كل أرض بتلمنا
ملعونين في الأرض
و مصيرنا جهنم عند ربنا
يا غزه.....
يا غزه لا تسامحينا ولا تقبلي عذرنا
يا غزه ربي ولادك على كرهنا
و أزرعي نار في قلبك ضدنا
و مع كل صهيوني بيموت
موتي عربي مننا
يا غزه إنفجري في وشنا
يمكن لما تموتينا
ربنا يعوضك بناس أرجل مننا
حسن فواز
8/1/2009