مش مهم

مش مهم

بحبك قوي فمش مهم
إن كنتي تحبيني أكتر أو أقل
جذور عينيكي تضرب في قلبي
تتسقي بدمي
فاتألم مع زيادة جمالها
ولا حبك بيخلص ولا دم قلبي بيقل
تمتد أغصانك تتلف على صدري
تمنع عني الهواء
تطول أغصانك ..... تقوى
وأعتبرها بتحضني وعن الشكوى أسكت
نور جبينك يحرق في جلدي
أتشوي بقربك
لا أنا هابعد ولا عن القرب منك هامتنع
كل يوم يمر في حبك
يزيد جمالك في عيوني
يزيد جمالك في عيون الناس
ويقل اعتباري
وتقل اهميتي
يتهمش دوري
أكون دميتك
وعن هجرانك ماسمعش نصيحة
وبعيد عنك حقير ولو اعتبروني ملك
تنهي عليً بشفايفك
تنهشي لحمي
تتقوي وتطرحي سعادة على الكل
أفرح أكتر
يكفيني معاكي إني عندك جزء من كل
أصلي بحبك قوي
فمش مهم
أكون تراب تحت رجليكي
أو منديل في إيديكي
طالما قربي منك
بيتحقق

أنا مخلوق
عشان تثبتي من وراه وجودك

صدقيني بحبك قوي
فمش مهم
تحبيني أو أموت
من الحرمان على إديكي

حسن فواز
1/9/2009